ஆர்என்ஏ'வானது, டிஎன்ஏ' மற்றும் புரதத்திற்கு இடையே ஓர் பாலமாக உள்ளது.
டிஎன்ஏ செல்லின் உட்கருவிற்குள்ளும், ஆர்என்ஏ குழிய முதலுருவிலும் (சைட்டோப்பிலாஸம் – cytoplasm) பொதுவாக இருக்கும். இதனால், வாட்சன் மற்றும் கிரிக், ஆர்என்ஏ 'வானது உட்கருவிலிருக்கும் டிஎன்ஏ' தகவலை நகலாக்கி, புரதங்கள் தயாராகும் குழியமுதலுருவிற்குக் கடக்கும், என்று முன்மொழிந்தனர். மேலும், மரபணு குறியீட்டை படிக்க, மற்றும் ஒரு வளர்-பாலிப்பெப்டைட் (polypeptide) தொடர்ச்சிக்குரிய அமினோ அமிலங்களை (amino acids) தேர்ந்தெடுக்க, "தகவி" போன்ற கூறு வேண்டுமென கிரிக் கணித்தார். இந்த முறையில், டிஎன்ஏ' விலிருந்து ஆர்என்ஏ', மற்றும் அதிலிருந்து புரதத்திடமும், மரபணுத் தகவல்கள் செல்வதை "மையக் கொள்கை" (central dogma) என பின்னர் அறிவிக்கப்பட்டது. பல வகையான ஆர்என்ஏ' க்கள், மரபணுத் தகவல்களைப் பயன்படுத்துவதில் ஈடுப்பட்டுள்ளன. உட்கருவில், டிஎன்ஏ'வின் மரபுத் தகவலானது (தகவல்) ம-ஆர்என்ஏ (mRNA) மூலக்கூறினில் , நகல் படுத்த அல்லது எடுத்தெழுதப் படும். பின்னர் குழியமுதலுருவினுள், mRNA குறியீடுகள் அமினோ அமிலங்களாக "பெயர்க்கப்" (translation) படுகின்றது. இப்பெயர்ப்பு பரிமாற்ற ஆர்என்ஏ' (t-RNA) தகவியாக அமைந்து, ஆர்என்ஏ'களாலேயாலான ரைபோசோமால் நிகழும்.
உட்கருவின் முக்கிய மூலக்கூறுகள் டிஎன்ஏ மற்றும் புரதங்களாகும்.
ஒரு மரபணு ஒரு புரதத்தை உருவாக்குகிறது.
ஒரு மரபணு டிஎன்ஏ' வால் ஆனது.
பாக்டீரியா மற்றும் வைரஸ்களிலும் டிஎன்ஏ'கள் உள்ளன.
டிஎன்ஏ-மூலக்கூறு, முறுக்கப்பட்ட ஏணி போன்று வடிவமைக்கப்பட்டுள்ளது.
டிஎன்ஏ ஏணியின் ஒரு பாதி மற்றொன்றுக்கு வார்ப்புருவாகும். 
ஆர்என்ஏ'வானது, டிஎன்ஏ' மற்றும் புரதத்திற்கு இடையே ஓர் பாலமாக உள்ளது.
டிஎன்ஏ'யின் வார்த்தைகள் மூன்று எழுத்துகளால் ஆனவையாகும்.
டிஎன்ஏ நியூக்ளியோடைட்களின் வரிசையே மரபணுவாகும்.
ஆர்என்ஏ தகவல்கள் சில நேரங்களில் திருத்தியமைக்கப்படுகின்றன.
சில வைரஸ்கள் மரபணு தகவல்களை ஆர்என்ஏ'வில் சேமிக்கும்.
ஆர்என்ஏ'களே முதலிலெழுந்த மரபணு மூலக்கூறுகளாகும். 
பிறழ்வுகளானவை, மரபணு தகவல்களின் மாற்றங்களாகும். 
சில வகையான பிறழ்வுகள் தானாகவே சீர்திருத்தப்படும்.